Assalom, Bahor - Xush kelding Navro‘z
Navro‘z – mehr-muhabbat, qadr-qimmat, umid bayramidir. Butun insoniyat boy madaniy merosining ajralmas qismi sifatida e’tirof etilgan Sharqona Yangi yil tabiat uyg‘onishi, hayot tantanasi va bahoriy ko‘rkamlikni ifodalaydi.
Ayni kunlarda mamlakatimiz bo‘ylab bayram shukuhi kezib yurgan bir vaqtda Termiz davlat pedagogika institutida ham "Assalom Bahor, Xush kelding Navro‘z" shiori ostida tantanali bayram dasturi bo‘lib o‘tdi.
Batafsil saytda
Bayramni institut rektori A.Xasanov tabrik so‘zi bilan ochib bergach, jajji bolajonlar va talabalar tomonidan milliy qo‘shiqlar kuylanib, raqslar ijro etildi. Shuningdek, navro‘z saylida sumalak tayyorlanib, xayriya oshi tarqatildi. Bir tomonda o‘tov, yana boshqa tomonda xalq o‘yinlari: arqon tortish, tosh ko‘tarish bo‘yicha polvon talabalarimiz bellashishdi.
Yakunda, Navro‘z bayrami munosabati bilan talabalar o‘rtasida tashkil etilgan voleybol musobaqasi g‘oliblariga rahbariyat tomonidan pul mukofoti sertifikatlari topshirildi.