Termiz davlat pedagogika institutida navbatdagi Kengash yig‘ilishi bo‘lib o‘tdi

Yig‘ilish avvalida institut rektori A.Xasanov boks bo‘yicha "Stranja" xalqaro turniri, karate WKF bo‘yicha yoshlar ligasi musobaqalarida chempion bo‘lib qaytgan hamda ilm-fan sohasida ko‘krak nishonlari bilan taqdirlangan talabalarimizga esdalik sovg‘alarini topshirdi. 
Kun tartibida"Surxon tongi" gazetasining 2023-yil 29-dekabrdagi 52-sonida e’lon qilingan institut kafedralarining vakant o‘rinlariga tanlov to‘g‘risida, Moliya-iqtisod ishlari bo‘yicha prorektorning 2023-yil davomida amalga oshirgan kapital va rekonstruksiya ishlarining amalga oshirilishi, talabalarga stipendiyalar tayinlash va to‘lash, professor-o‘qituvchilarning maoshlarini o‘z vaqtida berish, xodimlarni rag‘batlantirish borasida moliyaviy yillik hisoboti, Filologiya fakultetida yoshlar bilan ishlash, ilmiy va innovatsion ishlarning kompleks tahlili va boshqa turli masalalar muhokama qilindi.
Yakunda kun tartibiga qo‘yilgan masalalar yuzasidan takliflar olindi va ularning ijrosi bo‘yicha qarorlar chiqarildi.