4+2" dasturi doirasida amaliyot oʻtayotgan talabalar faoliyati oʻrganildi

Prezidentimiz tashabbusi bilan joriy yilning sentabr oyidan boshlab respublikamizdagi barcha pedagog kadrlar tayyorlovchi oliy taʼlim muassalari kunduzgi taʼlim shaklida tahsil oluvchi 2-4-bosqich talabalari uchun haftalik oʻquv mashgʻulotlari "4+2" tartibida, yaʼni darslarning 4 kuni oliygohlarda va qolgan 2 kuni maktabgacha va umumtaʼlim muassasalarida amaliyot oʻtash tartibi belgilandi. 
Mazkur qarorga asosan Termiz davlat pedagogika institutining 3809 nafar tabalari viloyatimizdagi 509 ta umumtaʼlim maktabi va 50 ta maktabgacha taʼlim muassasalarida amaliyot oʻtab borishmoqda. Bugun ana shunday "4+2" dasturi doirasida amaliyot oʻtayotgan talabalar faoliyati bilan yaqindan tanishish maqsadida institut rektori A.Xasanov, oʻquv ishlari bo'yicha prorektor P.Tojiyev, fakultet dekanlari va professor-oʻqituvchilar Sherobod tumanining olis hududlaridan biri "Zarabogʻ" mahallasida joylashgan 32-sonli umumtaʼlim maktabida boʻlishdi.
Dastlab, maktabda oʻquvchilarga yaratilgan qulayliklar, oʻquv xonalari, kutubxona, Maʼnaviyat sektori faoliyati oʻrganildi, bitiruvchi sinf oʻquvchilari bilan ochiq muloqot tashkil etilib, taklif va murojaatlari tinglandi, TerDPI rahbariyati tomonidan institut haqida maʼlumot berilib, oliygohda talabalar uchun uchun yaratilgan qulayliklar haqida soʻz yuritildi. Shundan soʻng, ishchi guruh maktabda amaliyot oʻtayotgan talabalar tomonidan tashkil etilgan ochiq dars mashgʻulotlarida ishtirok etishdi. Yakunda institut rahbariyati tomonidan maktab fondiga 30 ga yaqin oʻquv hamda badiiy adabiyotlar topshirildi. 
Maʼlumot oʻrnida, mazkur maktabda bugungi kunda TerDPI ning 8 nafar talabalari amaliyot oʻtab kelishmoqda.