«Diniy ekstremizmga qarshi kurash» mavzusida davra suhbati
1.«Diniy ekstremizmga qarshi kurash» mavzusida davra suhbati
2. «Oliy ta’lim muassasasining xotin-qizlarining oilalarda sog’lom turmush tarzini shakllantirish, reproduktiv salomatlikni mustahkamlash».
Qatnashdi: Termiz davlat pedagogika instituti Xotin-qizlar maslahat kengashi raisi S.I.Tursunova, Termiz davlat pedagogika instituti profilaktika inspektori T.Xo’shboqova, Boshlang’ich ta’lim fakulteti Xotin-qizlar maslahat kengashi raisi S.Niyazova, Termiz shahar tibbiyot birlashmasi sog‘lom turmush tarsi bo‘limi mutaxassislari S.N.Poyonova, B.Xo‘jayarov, 2-oilaviy poliklinika mutaxassisi Z.Mamadiyarova va Boshlang’ich ta’lim fakulteti talabalari.
Ekstremizm va terrorizm hozirgi zamonda eng xavfli hamda oqibatlarini bashorat qilish qiyin bo‘lgan hodisaga aylanib ulgurdi. Terrorchilik aktlari begunoh insonlarning bevaqt hayotdan ko‘z yumishi, jamiyat farovonligiga xizmat qiluvchi moddiy va ma’naviy boyliklarning yo‘q qilinishi, kishilarning tinch-osuda kundalik hayot tarzini barbod bo‘lishiga sabab bo‘lmoqda. Ayniqsa, bugungi tahlikali va murakkab zamonda dunyo bo‘ylab yuz berayotgan keskin vaziyatlar va o‘zaro ziddiyatlar, millatlar va dinlar o‘rtasida turli mojarolarga sabab bo‘lishi bilan birga dunyoda o‘rnatilgan mavjud tartibotlarni ham izidan chiqarmoqda. Shu bilan birga bugungi kunda ektremistik va terrorchilik harakatlarini sodir etayotgan buzg‘unchi guruhlar biror bir davlat yoki mintaqa bilan cheklanmay dunyoning turli hududlarida o‘zaro uyushgan holda faoliyat yuritayotgani kuzatilmoqda. Bu esa, jahon mamlakatlarining ekstremizm va terrorizmga qarshi hamkorlikda kurash olib borishi hamda xalqaro va mintaqaviy tashkilotlar faoliyatining samaradorligini yanada oshirish masalasini qat’iy qilib kun tartibiga qo‘ymoqda. Shu bois biz ham 2024 yil 26 mart kuni Termiz davlat pedagogika instituti Boshlang’ich ta’lim fakultetida «Diniy ekstremizmga karshi kurash» va «Oliy ta’lim muassasasining xotin-qizlarining oilalarda sog’lom turmush tarzini shakllantirish, reproduktiv salomatlikni mustahkamlash» mavzularida davra suhbati tashkil etildi. Davra suhbatida Termiz shahar tibbiyot birlashmasi sog‘lom turmush tarsi bo‘limi mutaxassislari S.N.Poyonova, B.Xo‘jayarov, 2-oilaviy poliklinika mutaxassisi Z.Mamadiyarova, Termiz davlat pedagogika instituti Xotin-qizlar maslahat kengashi raisi S.I.Tursunova, Termiz davlat pedagogika instituti profilaktika inspektori T.Xo’shboqova, Boshlang’ich ta’lim fakulteti Xotin-qizlar maslahat kengashi raisi S.Niyazovalar qatnashib hozirgi davr talabidan kelib chiqib siyosiy jarayonlar bo’yicha keng qamrovli ma’lumotlarni keltirib o’tishdi, o’zlarining qimmatli pand-nasihatlarini berib o’tishdi. Savol-javoblar bo’lib o’tdi, talabalar ham bu jarayonda faol ishtirok etib tegishli ma’lumotlarga ega bo’lishdi, o’zlarida diniy ekstremizmga qarshi immunitet hosil qilishdi.